ودیا بالن پاکستانی ڈراموں کے سحر میں گرفتار

ممبئی: پاکستانی ڈراموں نے ہماری خواتین کو تو گرویدہ بنایا ہوا ہی ہے، لیکن اب ان کی مقبولیت سرحد پار بھی بڑھنے لگی ہے اور بولی وڈ کی مشہور اداکارہ ودیا بالن بھی ان کے سحر میں گرفتار دکھائی دیتی ہیں۔

ودیا بالن کو پاکستانی ڈراموں نے اس قدر محضوض کیا کہ وہ ٹوئٹر بھی ان کی تعریف اور پذیرائی کیے بنا نہ رہ سکیں۔

ٹوئٹر پر اپنے پیغام میں انہوں نے پاکستانی ڈراموں کی تعریف کرتے ہوئے کہا کہ وہ رات کی شوٹنگز کی مصروفیات کے بعد دن میں ڈرامہ چینل ’زندگی‘ پر پاکستانی ڈرامے دیکھنا پسند کرتی ہیں۔