ملتان: سوشل میڈیا میں اپنی بے باک وڈیوز اور متنازع بیانات کے حوالے سے معروف قندیل بلوچ کو ان کے بھائی نے مبینہ طور پر قتل کردیا ہے۔
ایکسپریس نیوز کے مطابق قندیل بلوچ کو ملتان کے مضافاتی علاقے مظفرآباد کے گرین ٹاؤن میں اپنے گھر میں گلہ گھونٹ کر قتل کیا گیا ہے۔ آر پی او ملتان کا کہنا ہے کہ قندیل بلوچ اپنے والد کی عیادت کے لیے ایک ہفتے سے گرین ٹاؤن میں اپنے ماں باپ کے گھر میں ہی موجود تھیں، قندیل بلوچ کے والدین نے اپنا بیان ریکارڈ کرادیا ہے جس کے مطابق قندیل کو ان کے بھائی وسیم نے قتل کیا ہے، ملزم فرار ہے جس کی گرفتاری کے لیے اقدامات کرلئے گئے ہیں۔
Post a Comment