راولپنڈی: چیف جسٹس سندھ ہائی کورٹ جسٹس سجاد علی شاہ کے بیٹے اویس شاہ کو بازیاب کرانے کے بعد ان کے گھر پہنچادیا گیا ہے۔
ایکسپریس نیوز کے مطابق اغوا کاروں سے بازیاب کرائے گئے اویس شاہ کو خصوصی طیارے کے ذریعے ٹانک سے کراچی لایا گیا اور رینجرز کی سیکیورٹی میں ان کے گھر پہنچادیا گیا۔
اس سے قبل ڈی جی آئی ایس پی آر لیفٹیننٹ جنرل عاصم باجوہ کی جانب سے کی گئی ٹوئٹ میں بتایا تھا کہ سندھ ہائی کورٹ کے چیف جسٹس کے بیٹے کو خفیہ اداروں کی اطلاعات پر ٹانک کے قریب اغوا کاروں کے قبضے سے بازیاب کرایا گیا۔ کارروائی کے دوران 3 دہشت گرد بھی ہلاک ہوئے۔
Post a Comment